നുണക്കുഴിക്കവിളില്‍ ആദ്യമായ് ചുംബിച്ചത്
ചുരുള്‍മുിടിയിഴകളില്‍ തലോടിക്കൊണ്ടിരുന്നത്‌
വയറില്‍ മുഖംചേര്‍ത്ത് ഇക്കിളിപ്പെടുത്തിക്കളിച്ചത്
ചോരകലര്‍ന്ന ചുണ്ടിലെ ചുംബനങ്ങള്‍ രുചിച്ചത്

ചൊല്ലുക നീ ഒരുവുരുവെങ്കിലും
ഇനിയുമെന്തൊക്കെ മറന്നീടേണമെന്ന്
വെറുതെ വെറുക്കാമെന്നല്ലാതെ
ഇവയൊക്കെ മറക്കുന്നതെങ്ങനെ

എനിക്കറിയാം കണ്‍കുളിര്‍ക്കെ കണ്ണില്‍ നോക്കിയിരിക്കാന്‍

കിന്നരിച്ചുകൊണ്ട് കൈചേര്‍ത്ത് ‌ പിടിക്കാന്‍
മതിവരുവോളം കെട്ടിപ്പിടിക്കാന്‍ ഇനി നീയുണ്ടാവില്ലെന്ന്

നല്‍കിയ ചുംബനങ്ങളെ വെറുത്തോളൂ
കെട്ടിപ്പിടിച്ച കൈകള്‍ തട്ടിമാറ്റിക്കൊള്ളൂ
പകരം ഒരുറപ്പുമാത്രം നല്കുക നീ
യാന്ത്രികമെങ്കിലും ഇനിയുമുണ്ടാവും
ചുണ്ടിലാമാന്ത്രികപ്പുഞ്ചിരിയെന്ന്